Anaram qu'ei tà un Non occitan d'esquèrra

Lo « NANI » qu'eslorí per Occitània per las setmanas escorrudas. Lo « Votem NANI a la constitucion » qu'a ganhat las parets, los mercats, las pòrtas de las enterpresas, en fòrma d'aficas, de fuelhs e de brocaduras. Qu'ei la campanha e la contribucion d'ANARAM AU PATAC, movement revolucionari de l'esquèrra occitana, a la reflexion sus l'Euròpa de uei e de doman.

A.A.P. qu'examina aqueth tractat constitucionau dab lo mei gran seriós. Atau, que nse'n testimonian la brocadura e la revista « HAR/FAR » hens las quaus son explicats los punts qui acampan las rasons fondamentaus de la nosta crida a votar non. Enfrut de l'estudi e de la reflexion deus nostes militants, la nosta pausicion que s'empara sus la coneishença deu tèxte. Ne l'i ei pas ua oposicion ni a priorí, ni sistematica. Que resulta deu hèit que los militants an pres tota la mesura, d'ua part de l'importància de la construccion europèa e d'auta part deu dangèr qu'arrepresenta la via hens laquau los gavidaires europèus e deus Estats sòcis e temptan de ns'entrainar e dab nosauts las generacions a viéner. Lo contiengut economic e politic d'aquera constitucion qu'ei mei que jamei pausada. Los partisans deu òc n'i pòden pas escapar. D'ara enlà qu'an de rénder compte. Los pòbles que's pausan questions. Qu'atenen responsas claras. Que i a dejà aquí la volentat de decidir quina Euròpa e'ns hè hrèita.

En tant que movement revolucionari de l'esquèrra occitana, com defensaire deus drets nacionaus e sociaus deu pòble occitan, pr'amor d'aqueth combat e deus nostes drets denegats qu'avem pagerat lo tèxte. Lo noste constat qu'estó immediat. Com Occitan-as, pòble e nacion shens Estat, e com tots los autes pòbles shens Estat, n'èm pas hens lo tèxte. Ce tà díser que n'èm pas arreconeishuts com taus e solide nat dret ligat a la nosta identitat n'ei pres en compte.

Aquò que signifia que los nostes drets lingüistics, (dret a la lenga occitana com lenga nacionau, oficiau e purmèra, dret au son ensenhament - dret a l'ensenhament en la lenga de la mairau tà l'universitat - dret a l'expression de la nosta cultura nacionau, dret a l'autodeterminacion, a la nosta unitat nationau e politicò-territoriau per delà las termièras etaticas e deus talhucatges regionaus, que son estofadas per aquera capa politica, juridica e ideologica qui's vien suberpausar a la politica ostila, imperialista, nacionalista e melicosa de l'Estat francés e deus sons gavidaires de dreta com d'esquèrra.

Qu'ei pr'amor d'aquò qu'aqueth tractat qui fixa las termièras etaticas e las considèra com immudablas, qu'ei pregondament reaccionari e imperialista. Que denega los pòbles shens Estat e los lors drets fondamentaus. Ne's pòt pas acceptar.

Aquera Euròpa qui s'anóncia, que'n coneishen dejà la cara. Qu'ei la de l'espleitacion, de las opressions, de las repressions, deu brut de las bòtas pròpis aus regimes qui vòlen har carar los pòbles au dehens com au dehòra.

Lo « mandat d'arrèst europèu », qui ni a dreta ni a esquèrra ne contestan l'existéncia, los nostes hrairs bascos que l'experimentan dejà. Atau se hè lo perqué qu'estó apitat : la repression deus patriòtes deus pòbles shens Estat qui's lhevan entà's har enténer, los revolucionaris, los progressistas. Qu'ei ua arma contra la solidaritat internacionalista. L'aumentacion deus collaboradors de las polícias e de las « justícias », lo dret d'ingeréncia militara, la corsa a l'armament e l'aleujança a l'OTAN que completan aqueth arsenal repressiu.

Botat en perspectiva dab los quauques principis democratics enonciats en abansdíser, que'us reduseishen a intencions de las bèras, tà non pas díser simpla podra aus uelhs, destinada a estujar aquera realitat chic lusenta.

Lo « paradís » capitalò-imperialista en la soa fòrma liberau la mei despietadosa qu'ei la perspectiva qui ns'ei auherida e en la quau e'ns vòlen embarrar shens nada possibilitat de tornar a l'endarrèr : libertat shens en·hèrrias de nat ordi entaus profieits, arredusida deus drets deus tribalhadors e deus pòbles dab los pòbles shens Estat, regression sociau planificada, moralisme deus cuus senhats contra las hemnas e la libra disposition deu lor còs, ...

Tà çò qui ei deus montatges divèrs a l'entorn deu Parlament, de la Comission e autas instàncias, que consacrarén la despossedida deus pòbles de tot poder e que serén ua democracia d'engana. Tà çò qui ei d'ua revision eventuau deu tractat a la demanda deus pòbles, que seré encadenassada e sosmetuda au bon voler d'ua Comission non elegida au sufratge universau dirècte, au servici deus gavidaires deus Estats sòcis !!!

Aquera Euròpa qu'ei tot sonque democratica, populara, pacifica, progressista. Tà çò qui ei deu son caractèr laíc, que'n podem dobtar. Totun s'avem escapat hens aqueth tèxte « a las socas crestianas de l'Euròpa », ne podem qu'estar revoltats deus agís deus gavidaires e deus mediàs au lor servici quan se morí lo Papa.

Chic de pòbles qu'an l'escaduda de prononcià's dirèctament sus aqueth tractat constitucionau. Pròva de la mau·hidença d'uns gavidaires d'Estats membres. Qu'ac comprenem quan nse brembam de l'abstencion hòrta puish deu rapide desencantament deus pòbles deus navèths país sòcis aus quaus avón promés bonur e libertat.

Tà nosauts, qu'ei tròp. Aqueths punts que constitueishen la linha de rompedura, los punts necessaris e sufisents tà regetar un tau tèxte.

Tà d'aqueras rasons, lo noste NANI que's singulariza deu non soberanista de dreta com d'esquèrra. Que's singulariza tanben deu non d'ua esquèrra e d'ua suberesquèrra francesas entorceligadas en concepcions jacobinistas dab las quaus que deveràn arrómper.

Dab aquera campanha anti-tractat constitucionau, l'organizacion ANARAM AU PATAC qu'a l'escaduda de botar en davant las vistas suu combat occitanista a miar, sus la societat occitana, sus Occitània libra, unida e reconeishuda. Qu'a tanben l'ambicion de contribuir a la critica radicau deu poder, de las soas arradits istoricas, ideologicas, etnicas, lingüisticas, culturaus e politicas.

N'èm pas sols sus aquesta via, lo 1èr de mai passat que n'a testimoniat dab la preséncia aus nostes costats deus Bretons de Emgann, deus Catalans de En Davant, deus Castilhans de Izquierda Castillana, deus Aragonés de Chobenalla Aragonesista e deus Bascos d'Ezezkoaren Aldeko Ekimena, entà har víver en aqueth encontre vertaderament internacionalista, l'embrion d'ua auta Euròpa solidara, respectuosa deus pòbles.

L'Euròpa qui ns'ei perpausada non da pas nat balanç, nada aviada, qu'ei lo mensh que'n posquiam díser. La malícia sociau, las resisténcias politicas e culturaus que creishen de cap a ua pauperizacion de massa vertadèra. Que hè hrèita aus pòbles ua vita decenta, non acaparaira de las riquessas deus país en via de desvolopament e non destructora de l'enviroament, la democracia. Votar NANI qu'ei tà la nosta organizacion ANARAM AU PATAC un moment important de la resisténcia a bastir e de luta tà la nosta libertat, a nosauts pòble occitan e tà la de tots los pòbles dab o shens Estat.

Anaram est pour un Non occitan de gauche

« NANI » a fleuri à travers l'Occitanie ces dernières semaines. Le « Votem NANI a la constitucion » s'est répandu sur les murs, les marchés, les portes des entreprises, sous la forme d'affiches, de tracts et de brochures. C'est la campagne et la contribution d'ANARAM AU PATAC, mouvement révolutionnaire de la gauche occitane, à la réflexion sur l'Europe d'aujourd'hui et de demain.

C'est avec le plus grand sérieux qu'A.A.P prend en compte ce traité constitutionnel sur lequel nous sommes appelés à nous prononcer. Ainsi, en témoigne notre brochure et notre revue « HAR » dans lesquelles sont expliqués les points qui pour nous constituent les raisons fondamentales de notre appel à voter non. Fruit de l'étude et de la réflexion de nos militants, notre position repose sur la connaissance du texte en question. Elle ne lui est pas une opposition a priori et systématique. Elle résulte du fait que nos militants ont pris toute la mesure d'une part de l'importance de la construction européenne et d'autre part du danger que représente la voie dans laquelle les gouvernants européens et des Etats membres tentent de nous entraîner et avec nous les générations futures. Le contenu économique et politique de cette construction est plus que jamais posé. Les partisans du oui ne peuvent y échapper. Ils ont d'ores et déjà à rendre compte. Les peuples se posent des questions. Ils attendent des réponses claires. Il y a là déjà la volonté de décider de quelle Europe nous avons besoin.

En tant que mouvement révolutionnaire de la gauche occitane, donc en tant que défenseur des droits nationaux et sociaux du peuple occitan, c'est à l'aune de ce combat et de nos droits niés que nous avons d'abord apprécié le texte. Notre constat a été immédiat. En tant qu'Occitans, peuple et nation sans Etat, et comme tous les autres peuples sans Etat, nous ne figurons pas dans le texte. C'est-à-dire que nous ne sommes pas reconnus en tant que tels et bien évidemment aucun droit attaché à notre identité n'y est pris en compte.

Cela signifie que nos droits linguistiques, (droit à la langue occitane comme langue nationale, officielle et première, droit à son enseignement - droit à l'enseignement dans la langue de la maternelle à l'université - droit à l'expression de notre culture nationale, droit à l'autodétermination, à notre unité nationale et politico-territoriale par delà les frontières étatiques et les découpages régionaux) sont étouffés par cette chape politique, juridique et idéologique qui vient se superposer à la politique hostile, impérialiste, nationaliste et chauvine de l'Etat français et de ses gouvernants de droite comme de gauche.

C'est pour ces raisons que ce traité qui fixe les frontières étatiques et les considère intangibles, est profondément réactionnaire et impérialiste. Il nie les peuples sans Etat et leurs droits fondamentaux. C'est pourquoi il est pour nous inacceptable.

Cette Europe qui s'annonce, on en connaît déjà le visage. C'est celui de l'exploitation, des oppressions, des répressions, des bruits de bottes propres aux régimes qui veulent faire taire les peuples en leur sein comme à l'extérieur.

Le « mandat d'arrêt européen », dont ni à droite ni à gauche on ne conteste l'existence, nos frères basques l'expérimentent déjà. Ainsi apparaît bien ce pourquoi il a été mis en place : la répression des patriotes des peuples sans Etat qui se lèvent pour faire entendre leur voix, les révolutionnaires, les progressistes. C'est une arme contre la solidarité internationaliste. L'intensification des collaborations des polices et des « justices », le droit d'ingérence militaire, la course à l'armement et l'allégeance à l'OTAN complètent cet arsenal répressif.

Mis en perspective avec les quelques principes démocratiques énoncés en préambule, ils les réduisent à de belles intentions, pour ne pas dire à de la simple poudre aux yeux, destinée à masquer cette réalité peu reluisante.

Le « paradis » capitalo-impérialiste dans sa forme libérale la plus impitoyable c'est la perspective qui nous est offerte et dans laquelle on veut nous enfermer sans possibilité de retour : liberté sans entrave d'aucune sorte pour les profits, réduction des droits des travailleurs et des peuples y compris les peuples sans Etat, régression sociale planifiée, moralisme des culs bénits contre les femmes et la libre disposition de leur corps, ...

Quant aux montages divers autour du Parlement, de la Commission et autres instances, ils consacreraient la dépossession des peuples de tout pouvoir et seraient une démocratie de supercherie. Quant à une éventuelle révision du traité à la demande des peuples, elle serait cadenassée et soumise au bon vouloir d'une Commission non élue au suffrage universel direct, au service des gouvernants des Etats membres !!!

Cette Europe est tout sauf démocratique, populaire, pacifique, progressiste. Quant à son caractère laïc, on est en droit d'en douter. Même si l'on a échappé dans ce texte « aux origines chrétiennes de l'Europe », on ne peut qu'être révoltés des comportements des dirigeants et des medias à leur service lors de la mort du Pape.

Peu de peuples ont l'occasion de se prononcer directement sur ce traité constitutionnel. Preuve de la défiance de nombre de dirigeants d'Etats membres. On le comprend lorsqu'on se souvient de la forte abstention puis du rapide désenchantement des peuples des nouveaux pays adhérents à qui on avait promis bonheur et liberté.

C'est trop pour nous. Ces points énoncés ci-dessus constituent la ligne de rupture, les points nécessaires et suffisants pour rejeter un tel texte.

Pour toutes ces raisons, notre NANI se singularise du non souverainiste de droite comme de gauche. Il se singularise également du non d'une gauche et d'une extrême gauche françaises empêtrés dans des conceptions jacobines d'avec lesquelles ils devront bien rompre.

Avec cette campagne anti-traité constitutionnel, l'organisation ANARAM AU PATAC a l'occasion de mettre en avant ses vues sur le combat occitaniste à mener, sur la société occitane, sur l'Occitanie libre, unie et reconnue. Elle a aussi l'ambition de contribuer à la critique radicale du pouvoir, de ses racines historiques, idéologiques, ethniques, linguistiques, culturelles et politiques.

Nous ne sommes pas seuls sur cette voie, le 1er mai dernier en a témoigné avec la présence à nos côtés des Bretons d'Emgann, des Catalans d'En Davant, des Castillans d'Izquierda Castillana, des Aragonais de Chobenalla Aragonesista et des Basques d'Ezezkoaren Aldeko Ekimena, pour faire vivre dans cette rencontre véritablement internationaliste, l'embryon d'une autre Europe solidaire, respectueuse des peuples.

L'Europe qui nous est proposée ne soulève aucun enthousiasme, c'est le moins que l'on puisse dire. La colère sociale, les résistances politiques et culturelles croissent face à une réelle paupérisation de masse. Les peuples aspirent à une vie décente, non accaparatrice des richesses des pays en voie de développement et non destructrice de l'environnement, à la démocratie. Voter NANI est pour notre organisation ANARAM AU PATAC un moment important de la résistance à construire et de la lutte pour notre liberté à nous peuple occitan et pour celle de tous les peuples avec ou sans Etat.