Compte rendut deu debat deu 5 d'abriu a la Borsa deu Tribalh de Tarba


DEBAT OCCITAN

Quau vision deu monde ?

Cultura e lenga occitanas de cap a las questions essenciaus

Lo(a)s intervenent(a)s : Domenja Lekuona e Benòit Larradet.

L’intitulat deu debat :

Se pensam que patim, occitans, com tot occidentau d'ua vision deu monde shens cap ni cuu : la que promet lo " desvolopament " ; se pensam qu'aquera vision, qu'èm en trin de l'impausar aus país dits praubes ; se volem tirar las leçons deus escàs passats entà cambiar fondamentaument lo monde on vivem : qu'avem de recuperar au mei har las nostas faiçons d'estar pregonas. La nosta vita sociau e culturau que serveishen a plear los vueits deishats uei a la consomacion : reconquistem-las, l'instrument tà d'ac har qu'ei la lenga. Domenja Lekuona e Benòit Larradet que pausaràn lo desbat sus la plaça de la cultura nosta hens lo combat politic, las realizacions alternativas bastidas despuish las vint darrèras annadas. Que perpausan de discutir de las ressorças d'energia fenidas, deu maubarrèi de las tèrras, deu desperdici de l'aiga, deu derèglament climatic e deu contraròtle per nosauts medishs de la nosta destinada.

Lo debat que comença : Domenja e Benòit que’s presentan com militant(a)s occitanistas de longa. Benòit qu’ei investit a Calandreta en tant que regent. Domenja, a Ràdio País. Que precisan que lo hèit d’estar investit dens ua luta culturau que mia a interessà’s a las reivindicacions politicas.

La presentacion deu debat ne durè pas. Quasi de tira l’escambi s’orbí entre lo monde presents. N’esitín pas a demandar directament si las personas viengudas avèn atentas particularas o questions qui las chepicavan.

" La cultura qui carrejam que’ns pòt dar solucions politicas "

Qui pòt díser la valor d’ua cultura a despart deus (de las) qui la pòrtan ? Lo minimum entà poder har quauquarren qu’ei d’ac díser, d’afirmí’ns. çò de hèit qu’ei plan. Mes qu’èm en trin d’installà’ns dens un conhòrt de luta.

Lo(a)s militant(a)s culturaus que deven passar a auta causa. " Qu’èm conscient(a)s deus nostes problèmas, donc passem a l’accion ".

E i a causas qui podem inventar amassas ?

Qu’ei ua de las purmèras questions qui lo(a)s intervenent(a)s pausèn au monde presents : " Qu’avem de debàter amassas sus las problematicas de uei e aproprià’ns-las politicament. Qu’ei lo parat de l’organizacion de debats atau ".

Lo problèma deu mescladís entre reivindicacions occitanas e conservatisme

Un problèma qui dura despuish bèra pausa. N’avem pas sonque d’espiar lo portrèit deu gascon tipe : trufandèc, trachamand, patacaire, … Portrèit neurit despuish la monarquia. Uei que son causas plan integradas dens los caps. Que las podem véder dens los comportaments de la Libre Pensée per exemple. Un aute exemple enqüèra (n’ei pas çò qui manca) : lo darrèr congrès deus sindicats de l’ensenhament a Pau on estó dit clarament NON a l’immersion.

A un nivèu mei globau

*La realitat a la quau èm confronta(da)s ei la de l’Estat francés : que s’acaram a l’estat nacion e a l’elita francesa. Totas las ideas que son betoadas : lo nacionalisme qu’ei fascisme, l’autonomia ne’n parlam pas mei, la decentralizacion, que’ns demandam çò qui vòu díser, … La societat francesa, be la tienen ! L’espiar de l’aute(a), lo devís, que’n son pipats. Avem la possibilitat de discutir dab l’Estat francés ? Diwan (las escòlas bretonas) que hasó la demanda aus franchimands : e podem aver ua plaça dens lo vòste estat nacion ? Qu’anèn dinc au cap de las possibilitats. Que vedem çò qui balhè : arren.

*Ua auta persona que brembè que los sols qui son uei pres en compte que son los qui tuèn un prefècte francés : " ei ua democracia açò ? Fin finala n’avem pas de préner leçons d’aqueste monde ".
*Que i a tanben lo hèit que l’Estat francés e’s pausa en gran defensor deus drets de l’òmi ; atau los nostes problèmas de reconeishença que son de mau compréner peu monde.

*Puish per dessús que s’americanizam. La cultura americana, tot(a)s que l’engolim.

E lo nacionalisme ei ua responsa ?

*Quauqu’un dens la sala que suslhevè aquera question. La definicion de l’Estat francés que vad ua confiscacion a un nivèu tant culturau com sociau. Que n’èm a estar considerat(da)s com un dangèr tà la França. Aquera definicion estosse diferenta dilhèu las causas que’n serén tanben uei lo dia. "Que son dus mites qui lutan l’un contra l’aute. Ei possible au mensh de trobar ua auta faiçon de portar l’Occitània ? Ua precision : lo purmèr nacionalisme qui’ns hè rejetar aquera nocion, qu’ei lo nacionalisme francés ".

*Un aute que responó que cada còp qui parlam de nacionalisme que’u hè pensar au nacionalisme irakian contra lo patriotisme american.

*Ua persona mei que digó que l’Occitània èra transestatau, puish qu’ei estenuda sus tres estats : francés, espanhòu e italian. " Qui ac ditz ? Qui ac sap ? Qui ac reivindica cada còp qui’s presenta a las eleccions en tant qu’occitanista ? L’Occitània ne’s pòt pas embarrar dens ua nocion de nacionalisme ".

*Quauqu’un mei enqüèra qu’intervienó en ahortir que lo nacionalisme ei la sola definicion possibla au nivèu politic1 . Mes que’ns podem avisar a monde com Alexis Arette Landresse, per exemple, qui’s declara nacionalista occitan e qui ei d’extrèma dreta. L’identitat qu’ei quauquarren de personau. Segon aqueste sens l’identitat occitana n’existeish pas mei que l’identitat francesa.

*D’autas personas qu’interviengón en adobar qu’Alexis Arrette Landresse e’s desclarè subertot nacionalista francés.

*D’autas que portèn hèits suplementaris : lo nacionalisme francés qu’ei vist uei com forçadament emancipator e la lenga francesa com lenga de liberacion. Çò qui hè qu’un nacionalisme occitan que pareish com ua embarradura.

*Ua darrèra intervencion : " Qu’èm moths pr’amor n’èm pas occitans dens lo cap. Ne ns’afirmim pas. Ne reivindicam pas ua nacion occitana. Çò qui hè que lo noste discors pareish estranh, non pas clar. Si ne’s disem pas nacionalista, que i a d’aute ? "

Qu’èm ua nacion transestatau shens estat (com los Tamazighs=berbères o los indians), e com diferéncia qu’èm sedentaris. Qu’avem d’aver ua vision clara e afirmida de l’espaci occitan e a l’encòp d’estar internacionalista. (nòta de Domenja)

Un problèma gran : lo de la comunicacion

"Ei ua question d’organizacion, d’imatge, de formacion, d’accès aus medias, … ? La realitat qu’ei que ne’ns veden pas. Qu’èm hèra discrets, com si ne credèvam pas çò qui èm "

Que’ns va caler pensar la coordinacion e la comunicacion dens lo mitant occitan d’ua faiçon mei eficaça. " En tant que joen qu’ac vedem : que manca de dinamisme. Ne i a pas nat utís comun. Perqué n’existeish pas uei ua hèsta de la Calandretas totas per exemple ? "

Un problèma de transmission culturau e politica evident

Qu’ei çò qui suslhevèn lo(a)s joen(a)s present(a)s dens la sala : l’enjòc de uei qu’ei aqueste.

" Que vedem mainats d’occitanistas qui engoleishen l’Estat francés autant com los autes ". Uei que constatam un problèma de consciéncia politica deus joens. Mes que serà au long de las dètz annadas a viéner que’ns confrontaram vertaderament a aqueste problèma.

Qu’avem de’ns crear las nostas institucions pròpias

*Qu’ei çò qui hasom en crear Calandreta per exemple. " Quan vedem quin foncciona l’educacion nacionau francesa, Calandreta qu’ei un dret fondamentau de la democracia ".

*" Imaginem ua minuta qui n’avossem pas Calandreta o Ràdio País. Urosament, uei que podem pensar de crear las nostas institucions ".

*La mèsa en plaça d’institucions n’ei possibla que dab un poder raprochat. La nocion de federalisme qu’ei interessanta.

La necessitat de har un bilanç

Ua persona que precisè que’ns vaga enqüèra de har lo bilanç deu movement politic occitan de las annadas 70 enlà. " Qu’ei devath la pression deus joens, deus qui arriban, qu’aqueste bilanç e poderà tornar existir ".

Quan vedem la presa en compte de l’existéncia d’Anaram Au Patac, per exemple, que vedem la manca d’analisi e de bilanç deu movement/miei occitanista. Los occitanistas ne’s prononcian pas vertaderament ; " qu’ei plan, n’ei pas plan " mes qu’ei tot ; ne i a pas nada critica de hons.

Totun causas qui amuishan ua evolucion

*Trenta ans i a, dab V.V.A.P. o Luta Occitana, ua amassada atau n’èra pas briga possible. Que la calè har en francés. N’ac gausavam pas díser que’ns hè hrèita de parlar en occitan entà miélher pensar l’Occitània. Uei que ns’arretrobam en ahortir açò trenta ans après dab ua vision pròpia e originau.

*Tanben que podem véder uei mei anar mei joen(a)s qui vòlen har quauquarren.

Exemples viscuts

*Dus ans i a joens ensenhaires en occitan que s’entenón a díser, quan parlavan occitan a la cantina escolària, "Il faut parler français. Ici on est en France ". Que subeishen sovent quan son confrontats aus collègas deu lor establiment. Qu’ei un acte de racisme. Qu’ac cau hurgar. Mes enlòc d’ac portar publicament qu’ac interiorizam ".

*Puish quauqu’un mei : " D’un aute costat lo racisme qu’existeish per las personas qui ne pateishen. Si jo, qui subeishi lo racisme, n’ac disi pas, qui ac va díser tà jo. Qu’ei ua question de prèsa en man. Que parlam sovent de l’enemic deu dehòra mes e l’enemic deu dehens ? "

*Ràdio País e los sons accents : que hè un an e mieja que la ràdio a entamenat un combat dab France Telecom entà escríver Ràdio País dens l’anuari dab los sons accents. Las responsas a la question : " Pouvez-vous écrire le nom de notre radio avec ces accents ? " las responsas qu’estón las seguentas (dens l’ordi) : " Je ne peux pas le faire ", puish " La machine ne peut pas le faire " ; après explicacion de quin los accents e’s podèvan har suus clavièrs informatics : " Ha oui ; aucun problème alors ". Quauques temps après ua telefonada deu cap de servici : " J’ai peu de temps à perdre. Pourquoi voulez-vous absolument ces accents ? … " ; au moment quan expliquèn que n’occitan que s’escrivèva atau que racrochè. Aquesta telefonada que s’arrenovelè 3 còps. La ràdio que demanda lo tèxt qui interdeish açò e Telecom n’ac horneish pas. Mes qu’ei un dret de basa e n’ac deisharàn pas aquí.

L’importáncia d’ua hòrça politica de perpausicions occitanas

*" Si ne l’apitam pas uei, qui la harà a la nosta plaça ? " Que vedem movements com Attac, la Conféderation Paysanne … qui atraçan hèra de joens a l’entorn de l’eslogan " un autre monde est possible ". Mes aqueste monde que l’an aquí, devath deu nas.Ne mancan pas hèra de causas entà que prenian consciéncia de la lenga e de la cultura qui’us traucan los uelhs.

*" Qu’avem d’ahortir l’idea que tot ei possible de cambiar ; quitament un sistèmi politic. Avossem dit aus Romans que l’Empiri Roman cadore un dia, que se’n serén beròi arriduts ".

*Quauqu’un mei qu’adobè qu’un espaci politic que’s deu har dab monde qui an quauqu’arren a díser. " Los occitanistas qu’avem deishat aqueste espaci de paraula ". 

*Ua intervencion mei : " Que cau estar clar(a) : los tres quarts de la populacion deu movement culturau occitan ne seguiràn pas un movement d’extrèma-gaucha. Que cau véder çò que vòu díser sociaument ".

*" Har politica qu’ei construsir quauqu’arren e inscrivé’s dens la durada ".

N’avom pas avut lo temps d’evocar los grans problèmas sociaus, ecologics de uei lo dia.

1 Nacionalisme (definicion francesa tirada deu Larousse, pertot aulhors qu’ei diferenta) : movement politic d’individus qui prenen consciéncias de formar ua comunitat nacionau en rason deus ligams (lenga, cultura) qui’us amassan.

 


DÉBAT OCCITAN

Quelle vision du monde ?

Culture et langue occitanes face aux questions essentielles

Les intervenant(e)s : Domenja Lekuona et Benòit Larradet.

L’intitulé du débat :

Si nous pensons que nous souffrons, nous occitans, comme tout occidental d'une vision du monde sans queue ni tête : celle qui promet le " développement ", si nous pensons que cette vision, nous sommes en train de l'imposer aux pays dits pauvres, si nous voulons tirer les leçons des rendez-vous manqués pour changer fondamentalement le monde où nous vivons :il nous faut récupérer au plus vite nos façons d'être profonds. Notre vie sociale et culturelle sert à remplir les vides laissés aujourd'hui à la consommation : récupérons-les, l'instrument pour ce faire est la langue. Domenja Lekuona et Benòit Larradet poseront le débat sur la place de notre culture dans le combat politique, les réalisations alternatives bâties depuis les vingt dernières années. Nous proposons de discuter des ressources d'énergie finies, de l'appauvrissement des terres, du gaspillage de l'eau, du dérèglement climatique et du contrôle par nous-même de notre destinée.

Le débat commence : Domenja et Benòit se présentent comme militant(e)s occitanistes de longue date. Benòit est investi à Calandreta en tant qu’instituteur. Domenja, à Ràdio País. Ils précisent que le fait d’être investi(e)s dans une lutte culturelle mène à s’intéresser aux revendications politiques.

La présentation du débat ne dura pas. Presque tout de suite l’échange commença entre les gens présents. Les intervenants n’hésitèrent pas à demander directement aux personnes présentes si elles avaient des attentes particulières ou des questions qu’elles voudraient poser.

" La culture que nous portons peut trouver des solutions politiques "

Qui peut dire la valeur d’une culture en dehors de ceux (et celles) qui la portent ? Le minimum pour pouvoir faire quelque chose est de le dire, de nous affirmer. Ce qui est fait est bien. Mais nous sommes en train de nous installer dans un confort de lutte. Les militant(e)s culturel(le)s doivent passer à autre chose. " Nous sommes conscient(e)s de nos problèmes, donc passons à l’action ".

Y a-t-il des choses que nous pouvons inventer ensemble ?

C’est une des premières questions que les intervenants posèrent aux personnes présentes : " Nous devons débattre ensemble sur les problématiques d’aujourd’hui et se les réapproprier politiquement. C’est l’occasion de l’organisation de débats tels que celui-ci ".

Le problème de l’amalgame entre revendications occitanes et conservatisme

Un problème qui dure depuis un moment. Il n’y a qu’à regarder le portrait du gascon type : moqueur, menteur, bagarreur, … Portrait alimenté depuis la monarchie. Aujourd’hui ce sont des choses bien intégrées dans nos têtes. On peut les voir dans les comportements de la Libre Pensée par exemple. Un autre exemple encore (nous n’en manquons pas) : le dernier congrès des syndicats de l’enseignement à Pau où il fut dit clairement NON à l’immersion.

A un niveau plus global

*La réalité à laquelle nous sommes confronté(e)s est celle de l’État français : nous faisons face à l’état nation et à l’élite française. Toutes les idées sont bétonnées : le nationalisme c’est du fascisme, l’autonomie on n’en parle plus, la décentralisation, on se demande ce que ça veut dire, … Ils la tiennent bien, la société française ! Le regard de l’autre, le discours, en sont pipés. Avons-nous la possibilité de discuter avec l’État français ? Diwan (les écoles bretonnes) a fait la demande aux français : pouvons-nous avoir un place dans votre état nation ? Ils sont allés jusqu’au bout des possibilités. Nous voyons ce que ça a donné : rien.

*Une autre personne rappela que les seuls qui sont aujourd’hui pris en compte son ceux qui ont tué un préfet français : " Est-ce une démocratie ? Finalement nous n’avons pas à recevoir de leçon de ces gens ".
*Il y a aussi le fait que l’État français se pose en grand défenseur des droits de l’Homme ; ainsi nos problèmes de reconnaissance sont incompris.

Et puis par dessus tout nous nous américanisons. Nous avalons tou(te)s la culture américaine.

 

Le nationalisme est-il une réponse ? 

*Quelqu’un dans la salle souleva cette question. La définition de l’Etat français devient une confiscation à un niveau culturel comme social. Nous en venons à être considéré(e)s comme un danger pour la France. Si cette définition était différente peut-être que les choses aujourd’hui le seraient aussi. " Ce sont deux mythes qui luttent l’un contre l’autre. Est-il possible au moins de trouver une autre façon de porter l’Occitanie ? Une précision : le premier nationalisme qui nous fait rejeter cette notion, est le nationalisme français ".

*Une autre personne répondit que chaque fois que l’on parle de nationalisme ça lui fait penser au nationalisme irakien contre le patriotisme américain.

*Une autre personne dit que l’Occitanie est trans-estatale, puisqu’elle est étendue sur trois états : français, espagnol et italien. " Qui le dit ? Qui le sait ? Qui le revendique chaque fois qu’il se présente aux élections en tant qu’occitaniste ? L’Occitanie se peut pas être enfermée dans une notion de nationalisme ".

*Quelqu’un d’autre encore intervint en disant que le nationalisme est la seule définition possible au niveau politic1. Mais nous pouvons faire attention à des gens comme Alexis Arrette Landresse, par exemple, qui se déclare nationaliste occitan et qui est d’extrême droite. L’identité est quelque chose de personnel. Selon ce sens l’identité occitane n’existe pas plus que l’identité française.

*D’autres personnes intervinrent en ajoutant qu’Alexis Arrette Landresse se déclare surtout nationaliste français.

*Quelques uns portèrent des faits supplémentaires : le nationalisme français est vu aujourd’hui comme émancipateur et la langue française comme langue de libération. Ce qui fait qu’un nationalisme occitan apparaît comme une fermeture.

*Une dernière intervention : " Nous sommes mous parce que nous ne sommes pas occitans dans nos têtes. Nous ne nous affirmons pas. Nous ne revendiquons pas une nation occitane. Ce qui fait que notre discours paraît étrange, pas clair. Si nous ne nous disons pas nationalistes, quoi d’autre ? ".

Nous sommes une nation transétatique sans état (comme les Tamazighs=berbères ou les indiens), et comme différence nous sommes sédentaires. Nous devons avons une vision claire et affirmée de l’espace occitan et aussi en même temps nous devons être internationalistes. (note de Domenja)

Un grand problème : celui de la communication

" Est-ce une question d’organisation, d’image, de formation, d’accès aux médias, … ? La réalité est qu’on ne nous voit pas. Nous sommes très discrets, comme si nous ne croyions pas ce que nous sommes ".

Il va falloir qu’on pense la coordination et la communication dans le milieu occitan d’une façon plus efficace. " En tant que jeune nous le voyons : ça manque de dynamisme. Il n’y a pas d’outil commun. Pourquoi n’existe-t-il pas aujourd’hui une fête de toutes les Calandretas par exemple ? "

Un problème de transmission culturel et politique évident

C’est ce que soulevèrent les jeunes présent(e)s dans la salle : l’enjeu d’aujourd’hui est bien celui-là. " Nous voyons des enfants d’occitanistes qui avalent l’Etat français comme les autres ". Aujourd’hui nous constatons un problème de conscience politique des jeunes. Mais ce sera tout au long des dix années prochaines que nous y serons réellement confronté(e)s.

Nous devons créer nos propres institutions

C’est ce que nous avons fait en créant Calandreta par exemple. " Lorsque nous voyons comment fonctionne l’éducation nationale française, Calandreta est un droit fondamental de la démocratie ".

" Imaginons une minute que nous n’ayons pas Calandreta. Heureusement, aujourd’hui nous pouvons penser à créer nos institutions ".

La mise en place d’institutions n’est possible qu’avec un pouvoir rapproché. La notion de fédéralisme est intéressante.

La nécessité de faire un bilan

Une personne précisa que nous avons encore le temps de faire le bilan du mouvement politique occitan depuis les années 70. " C’est sous la pression des jeunes, de ceux qui arrivent, que ce bilan pourra exister de nouveau ".

Lorsque nous voyons la prise en compte de l’existence d’Anaram Au Patac, par exemple, nous voyons le manque d’analyse et de bilan du mouvement occitaniste. Les occitanistes ne se prononcent pas vraiment ; " c’est bien, ce n’est pas bien " mais c’est tout ; il n’y a pas de critique de fond.

Il y a tout de même une évolution

*Il y a trente ans, avec V.V.A.P., une réunion comme celle-ci n’était pas possible. Il fallait la faire en français. Nous n’osions pas dire que nous avions besoin de parler en occitan pour mieux penser l’Occitanie. Aujourd’hui nous nous retrouvons à le dire trente ans après avec une vision propre et originale.

*Nous pouvons constater aussi la volonté de plus en plus de jeunes de faire quelque chose.

Exemples vécus

*Il y a deux ans de jeunes enseignants s’entendaient dire, lorsqu’ils parlaient occitan à la cantine scolaire, " Il faut parler français. Ici on est en France ". Ils subissent souvent lorsqu’ils sont confrontés aux collègues de leur établissement. C’est un acte de racisme. Il faut le gueuler. Mais au lieu de le porter publiquement on l’intériorise ".

*Puis quelqu’un d’autre : " D’un autre côté le racisme existe par les personnes qui le subissent. Si moi, qui subit le racisme, je ne le dis pas, qui va le dire pour moi. C’est une question de prise en main. Nous parlons souvent de l’ennemi de l’extérieur, mais et l’ennemi de l’intérieur ? "

*Ràdio País et ses accents : cela fait un an et demie que la radio a commencé un combat avec France Telecom pour écrire Ràdio País dans l’annuaire avec ses accents. Les réponses à la question : " Pouvez-vous écrire Ràdio País avec ses accents ? " les réponses furent les suivantes : " Je ne peux pas le faire ", puis " La machine ne peut pas le faire " ; après explication sur comment faire ces accents sur n’importe quel clavier d’ordinateur : " Ha oui ; aucun problème alors ". Quelques temps après un coup de téléphone du chef de service : " J’ai peu de temps à perdre. Pourquoi voulez-vous absolument ces accents ? … " ; au moment où ils expliquèrent qu’en occitan ça s’écrivait comme ça, il raccrocha. Ce coup de téléphone se reproduisit 3 fois. La radio demande le texte qui interdit cela et Telecom ne le fournit pas. Mais c’est un droit de base et ils n’en resteront pas là.

L’importance d’une force politique de propositions occitanes

* Si nous ne l’organisons pas aujourd’hui, qui la fera à notre place ? " Nous voyons des mouvements comme Attac, la Confédération Paysanne, … qui rassemblent des jeunes autour du slogan " un autre monde est possible ". Mais ce monde il l’ont là, sous leur nez. Il ne manque pas grand chose pour qu’ils prennent conscience de la langue et de la culture qui leur sautent aux yeux.

*"Nous devons affirmer l’idée que tout peut changer ; même un système politique. Si nous avions dit aux Romains que l’Empire Romain tomberait un jour, ils auraient bien rigolé ".

*Quelqu’un d’autre ajouta qu’un espace politique doit se faire avec les gens qui ont quelque chose à dire. " Nous, les occitanistes, avons laissé cet espace de parole ".

*Un intervention de plus : " Il faut être clair(e) : les trois quarts de la population du mouvement culturel occitan ne suivra pas un mouvement d’extrême-gauche. Il faut voir ce que ça veut dire socialement ".

*"Faire de la politique c’est construire quelque chose et c’est s’inscrire dans la durée ".
Nous n’avons pas eu le temps d’évoquer les grands problèmes sociaux, écologiques de notre époque.

1 Nationalisme (définition française tirée du Larousse, partout ailleurs ce n’est pas la même définition) : mouvement politique d’individus qui prennent conscience de former une communauté nationale en raison des liens (langue, culture) qui les rassemblent.

 


Intervencion e compte rendut de l'amassada deu 22 de heurèr a Pau
Intervention et compte-rendu de la réunion du 22 février à Pau

 Estat d'Occitania Autodeterminacion / Regionalisme 
 Qu'ei çò qui ei d'estar d'esquèrra uei ? 

Intervencion d’Alan Sibe 
Uei Occitania qu'ei - Ua nacion shens Estat - Un pòple shens poder politic - Un pòple dab ua consciéncia nacionau en gèrmi, ath cap deth son desvelopament.- Qu'ei tanben ua nacion e un pòple partatjats en tres per tres Estats: francés, espanhòu, italian, pr'amor der'istòria e uei deras fòrças imperialistas. Tres procès de luta qui s'enscriven en eth procès generau de liberacion nacionau e sociau, dab era  question der'unitat nacionau e politicò-territoriau. Tot aquerò que condiciona era nosta accion quotidiana e que ns'amuisha eths nostes objectius estrategics. Tà nosauts, ací e uei, Occitania qu'ei mestrejada peth imperialisme francés, hòrt d'ua experiéncia grana e anciana ena dominacion de pòples. Aquera dominacion, pr'amor qu'ei imperialista, qu'ei sencèra, globau, ideologica e psicologica, lingüistica, culturau, politica e economica. Qu'ei tot d'un temps opression nacionau, espleitacion deras  fòrças de tribalh e panatòri deras riquessas.

** Ara, çò de prumèr en eth noste procès de luta qu'ei era question dera consciéncia nacionau e sociau. Ad aqueth nivèu que hè necèra de destriar "sentiment" e "consciéncia". Eth "sentiment" qu'ei coneishença sensibla, hèita d'elements afectius e sensitius, d'impressions. Qu'ei deth domèni dera coneishença primària. Lavetz eth "sentiment nacionau" occitan que pòt compréner mes d'un grad: per exemple se díser d'un parçan o d'un grop: biarnés, avaironés, aranés, deth sud-oèst, meridionau, o quitament occitan. Per contre era "consciéncia" qu'ei deth domèni dera coneishença racionau e quitament scientifica. Qu'ei era coneishença dera nosta realitat, dera nosta istòria, dera formacion dera nosta comunautat etnica, mès tanben necessitat dera liberacion nacionau e sociau e sustot coneishença deths prètzhèits tà miar la. Eth sentiment qu'ei eth moviment espontanèu. Era consciéncia qu'ei eth moviment nacionau e sociau miat dab ua organisacion patriotica e revolucionària. Era consciéncia que's basteish per un tribalh intellectuau, prètzhèit d'intellectuaus e especiaument deth intellectuau collectiu qu'ei er'organisacion politica.

** Privat d'un consciéncia nacionau e sociau desvelopada, privat deth son poder, eth noste pòple n'ei pas un pòple libre, encara mes qu'ei un pòple alienat. Aquer'alienacion que hè lutz sura fòrma dera dominacion imperialista francesa suth pòple occitan qui ei en prumèr, ideologica. Que significa que mestrèja subertot dab era soa arrepresentacion dera realitat nacionau e sociau. Qu'estuja eras realitats etnicas, qu'estuja er'istòria d'un poder bastit dab er'espada e'ra sanc deths pòples, qu'impausa era soa pròpia lectura der'istòria.

**Totun non cau pas que desbrembem eth Estat francés com instrument de dominacion dera borgesia imperialista francesa, dab mejans juridics, politics, militaris e policièrs Aquera natura reaccionària e violenta deth Estat qu'apareish  tostemps mes un còp que s'esbrigalha era dominacion ideologica e que creish er'arresisténcia politica. Quan non pòt pas mes conténguer arreivindicacions, eth poder n'esita pas a emplegar instruments politics e juridics d'arrepression e quitament eras mes hautas instàncias deth Estat. Que n'avem un exemple uei, dab eth decís deth Conselh d'Estat ath par deras lengas deths pòples dependents. Drin a drin tot que's clarifica subertot dab er'ataca deths sindicats d'ensenhaires e de parents d'escolans. Eras fòrças deth imperialisme que s'i hèn totas. Aqueth poder n'ei pas qu'Estat o aròus financièrs, mès tanben fòrças politicas, sindicaus, aròus de tots per exemple er'Academia francesa, intellectuaus, prensa e... notables de noste. Eth Conselh d'Estat en prononcià's contra er'integracion deras escòlas bretonas "Diwan" que s'ei pausat contra eth ensenhament vertadèr deras lengas e donc, era lenga occitana. Atau que s'ei prononciat contra eths drets nacionaus deths pòples dependents. Eth arrefús der'integracion de "Diwan" qu'ei arrefús deth metòde pedagogic per immersion, eth ensenhament dera lenga ena lenga. Çò de bon tàras lengas ditas estrangèras, n'at ei pas tàras lengas ditas regionaus. Totun era lei Toubon que deishava ua possibilitat tàd aqueras. Tot aquerò justificat pera necessitat de deféner era posicion dominanta dera lenga francesa. Alavetz eth Conselh d'Estat n'a pas esitat tà trencar non pas sus un question de Dret, mès sus ua question pedagogica, tròp ligada ara defensa deras lengas deths pòples dependents, pr'amor dera soa eficacitat. Atau que pròva aqueth metòde qu'ei essenciau tà transméter e deféner era nosta lenga. Qu'amuisha era plaça dera lenga francesa en eth sistèma de dominacion der'imperialisme francés. Que ns'endica eras limitas acceptablas deras nostas arreivindicacions peth poder. Aqueth eveniment qu'apèra ara presa de consciéncia, era defensa dera nosta lenga qu'ei essenciau en eth noste combat dab eth metòde immersiu. Era nosta lenga qu'arrecapta eras oposicions, qu'a d'arrecaptar totas eras arresisténcias.

**En aqueth contèxte d'arresisténcia necessària que i a de hèr un estat deth moviment occitanista. Aqueth qu'a coneishut un desvelopament important, qu'ei devengut un fenomèn sociau vertadèr. Ara eths concèptes d'Occitania, occitan, occitanista, que son espandits. Un hialat d'associacions culturaus qui hèn tàra defensa e promocion dera nosta lenga com dera nosta cultura que cobreish adara Occitania tota. Escrivans, cantaires, artistas, ensenhaires dera lenga que's son multiplicats, estudiants e joens que començan d'organisà's. Eth moviment deras escòlas Calandretas qu'ei ara ua institucion arreconeishuda peth son tribalh solide e seriós. Tot aqueth creish qu'ei rebat deth sentiment nacionau occitan.

**Mès aqueth creish quantitatiu qu'ei en atenta d'un saut qualitatiu important. Ara, numerós militants associatius qu'an estarit çò qui a de pensar e çò qui a de hèr. Qu'an besonh hèra d'emparà's sus reflexions, accions e organisacions politicas tà tirar en davant. Era nosta causa non pòt pas mes estar portada peth sol moviment associatiu culturau, encara mensh acontentà's deras solas iniciativas endividuaus. Qu'am un exemple beròi d'aquer'atenta dab eras paraulas de Joan-Loïs BLENET, President dera Confederacion deras escòlas Calandretas, en 2002 a Besièrs davant era Convencion occitana : "Sèm, nautres Calandretas, a un moment que i a un besonh - e disi coma una contribucion, un apèl au monde que se mainan de far de politica - d'una paraula politica occitana. Pas au sens politician, mai d'una paraula que parla de la societat e que parla a la societat, d'un biais globau (…) I a besonh que lo politic se meta a fargar aquela interpelacion"(1) Atau qu'ei mercada era fin deth pragmatisme tròp sovent saludat com un progrès deth occitanisme mentre que n'èra pas qu'ua adaptacion obligada deths militants de cara a un vueit politic occitanista. Dab eth creish deras arreivindicacions eth acarament dab eth poder que deveng tostemps mes dur e qu'apareish per çò qui ei, politic. Qu'ac cau solinhar, n'i a pas de question linguistica e culturau occitana, mès ua question politica occitana.

**"Convencion occitana", "Paratge", "Democracia", ecà... uei peth moviment que vad un besonh de pensar, ua arrecèrca tà aucupar eth terrenh politic en tot constatar eras limitas der'accion culturau. Saut qualitatiu qui non pòt pas estar que peth domèni dera consciéncia nacionau e sociau occitana e qui a de tradusi's lavetz pera vaduda d'ua linha politica navèra e d'ua organisacion politica navèra qui la portarà. Un occitanisme navèth qu'a de desvelopà's. N'ac pòt pas hèr que'n desseparà's deth occitanisme qui mestrèja despuish eras annadas 60, reformista e regionalista, qui hè puishèu ara, tà tirar en davant e qui ei incapable de dar aqueras responsas politicas esperadas. Que passa per ua rompedura teorica e politica radicau tà hicar era nosta luta suth terrenh der'autodeterminacion, qu'ei a díser deths drets deths pòples. Eth paisatge politic occitanista qu'amuisha un gran praubèr teoric e politic, brica d'arrenovelament, guaire d'analisis pertinentas. Atau eth moviment culturau qu'ei deishat sol, dab militants obligats de putsar en ua experiéncia personau, arredusits ath pragmatisme qui ei finaument ua hont estarida viste. Shens guaire d'esperit critic o quitament dab ua paur grana dera critica, eth moviment que n'ei demorat aras teorias vadudas deth moviment occitanista deras annadas 60-70. Que's des.he de d'òra d'un element teoric vadut d'aquera epòca, un element intellectuaument e politicament estimulant hèra totun. Que parli dera nocion de "colonialisme interior" de Sèrgi Mallet, occitan, gavidaire ancian deth PSU deras annadas 70 e partit tròp de d'òra.. "L'estocada" se pòdi díser atau, qu'estó portada a travèrs, non gausi pas díser lo desbat, meslèu las pelèjas en eth I.E.O. enteths partisans de Robèrt Lafont e'ths aperats nacionalistas.

**Atau, ara qu'am un P.N.O. qui ei demorat fidèu aras tèsis d'"etnisme" de Francés Fontan. Nacionalisme reaccionari, hèit d'ua mesclanha de teorias, antí-marxista, que dessepara luta de classa e luta nacionau. Qu'am tanben un P.OC eiretèr d'organisacions politicas occitanistas reformistas vadudas deras tèsas sociau-democratas de Robèrt Lafont. Eth Estat francés qu'i ei presentat com Estat-Nacion en tot desvelopar, tà semiar confusion, er'idea de "nacion primària" (etnolinguistica) e "nacion segondària"(politica). Qu'ei clarament denegar Occitania coma nacion. Qu'atacan sustot eth nacionalisme occitan e que qualifican er'arreivindicacion d'independéncia de "maniaca" mentre qu'eth Estat francés qu'a d'estar reformat, "purificat" e "liberat". Tot naturaument eth Robèrt Lafont que hasó tà engatjar eth moviment occitanista en eth sosteng ara candidatura de Mitterrand aras presidenciaus. Per çò qui ei dera pensada de Félix-Marcel Castan  qu'èm en preséncia d'ua auta tendéncia deth reformisme occitanista. Tà Castan era nacion qu'ei França-Estat-nacion. Qu'escrivó en aost 2000: "Tornar definir França, "nacion ua politicament e culturaument plurau" (2). Tà Castan era luta occitanista non pòt pas estar qu'ua luta culturau. Aqueths dus pensaires qu'an un copacap, França Estat-Nacion e'ra soa unitat assolidada.

**Aqueras teorias non son pas navèras en mestior de question nacionau. Que pòden estar restacadas ath corrent dera  Internacionau IIau, reformista, e subertot ath corrent politic dit "austrò-marxista" qui  limitava era luta deths pòples dependents a ua luta culturau dab er'arreivindicacion dera "autonomia culturau". Que hicava en davant "er'unitat deth Estat abans tot". Atau qu'estremava tot dret ar'autodeterminacion deths pòples dependents, dret fondamentau e universau de tot pòple oprimit nacionaument. Ací non pòdi pas deishar passar eth parat de dar era paraula a Ivas Roqueta qui caracterisa de plan tot çò de dit : "Eths Occitans, ... peth passat e encara tot recentament, qu'an hicat hèra mes d'energia a imaginar ua França qui heré ua plaça petita ara lor lenga, ara lor "diferéncia" culturau qu'a organisà's tà dà's un governament.(3) Eth tribalh teoric e politic qui sobra qu'ei de maishant hèr. Aqueth qu'ei deishat de costat despuish mes d'ua annada, era capa sociau-democrata qu'ei pesuca. Que mes eth desbat faus enter sociau-democracia e nacionalisme, destornat en problèmas de personas, ara fin deras annadas 70, qu'a barrat tot camin nau. Qu'a deishat plaça a un moviment occitanista esparricat, ara vaduda deth arreplec localista, a petitas capèras ar'entorn de petits notables occitanistas.

**Cap deras annadas 90 ua rompedura teorica que vad dab era plata-fòrma d'Anaram Au Patac. Qu'a pausat eth combat occitanista en tèrmis de : - dret ar'autodeterminacion. Qu'a pres posicion atau suth terrenh deths drets deths pòples. - comprenença dera liberacion nacionau e dera liberacion sociau com duas caras d'ua madeisha pèça de moneda. Lavetz que son eths pas prumèrs d'un corrent dab fondacions teoricas revolucionàrias. Dab aqueths elements que trenca radicaument dab eras apròchas reformistas, regionalistas e culturalistas dera question occitana. Atau que s'orbeishen possibilitats navèras e deras granas de tractament dera question occitana politicament. Posicions dificilas qui apèran totun d'eslhevar eth nivèu politic e desvelopar un practica rigorosa.

**Tà acabar, qu'ei çò qui ei d'estar d'esquèrra uei? Qu'èi balhat dijà elements de responsa, eths dus punts essenciaus : autodeterminacion e liberacions nacionau e sociau. Qu'arrepresentan un programa politic important e hèra de tribalh tà'us hèr víver en ua practica quotidiana. Que perpausi de'n hèr dus elements politics fondamentaus d'ua politica d'esquèrra vertadèra. Ara, era question nacionau occitana qu'a d'estar considerada coma ua linha de demarcacion enter d'un costat progrès e democracia e d'un aute costat reaccion e imperialisme. En aqueth costat darrèr qu'i tornaram trobar pendent quauquas annadas encara totas aqueras fòrças engatjadas ena arrecèrca "d'ua auta esquèrra". Que contunhan de denegar tota question nacionau, que vòlen pensar antí-capitalisme (sovent arredusit ath antí-liberalisme), mès non pensan pas guaire antí-imperialisme. Viste prèsts tà deféner eths drets nacionaus d'un pòple luenhèc, que son shords e avugles ara politica imperialista interiora. Que son dijà condamnats a n'estar qu'er'esquèrra dera borgesia imperialista francesa. Finaument, çò d'important n'ei pas eth mot mès qu'ei eth contengut.            D'aquerò que'n podem tirar duas leçons :
1- n'am pas d'aténer qué que sia entàra nosta causa de tota arrenavida der'esquèrra francesa,
2- qu'am de condar sonque suras nostas fòrças tà tirar en davant. Er'esquèrra sociau-democrata francesa coma occitana qu'ei arribada ath cap deth son projècte politic qui èra de hèr puishèu ara transformacion revolucionària dera societat. Ua alternativa politica per Occitania qu'a de desvelopà's de tira.

Alan SIBÉ

(1) Dubèrtura de la Convencion occitana, La Setmana, n°347, 2002, p.6.
(2) Felix-Marcel Castan, Shens pluralitat non i a nacion, Reclams, n°781, 2001, p.12.
(3) Yves Rouquette, Midis Petite géographie cordiale, Tolosa, Ed. Loubatières, 1992, p.p; 10-11.

Barrar