1 200 km tà la lenga occitana

Adishatz,

En octobre 2004 que hedom un periple esportiu de 12 dias de Baiona tà Turin. Partits a dus, en relais pedestre e en autonomia que corrom atau 1000 kilometres. Lo but d'aquera accion èra d'interpellar lo Comitat Internationau Olimpic de Geneva e lo TOROC de Turin sus la demanda d'utilisacion de la lenga occitana au moment deus Jòcs Olimpics d'ivèrn 2006 qui's debaneràn dens las valadas occitanas (Region Pemont - Turin). L'emplec de las lengas autoctònas ei dejà estat realisat mantuns còps peu C.I.O. (Barcelona, Sidnei, etc.). La nosta demanda nos sembla donc justificada tanben peus antecedents.

En 2004 n'obtengom pas satisfaccion a maugrat ua mediatisacion pro importanta de la nosta accion. Que pensam tornar hèr l'operacion d'ua faiçon diferenta, en perméter d'i hèr participar mes de monde e d'organisacions.

La prumèra accion èra estada miada en grana part suus nostes mejans financiers. Aquesta a vénguer, que volem d'ua amplor mes importanta, demanda donc un investiment uman, financier e materiau d'un nivèu mes haut.

Que vos sollicitam, monde particuliers, associacions, enterpresas entà efectuar (o aidar a efectuar) a pè o en velò los relais que jutgeratz haseders per nos transméter lo testimòni de la nosta demanda entàus J.O.. Aquera organisacion demanda ua logistica motorisada alavetz que tà la prumèra operacion un velò e la sua remorca que sufiva, dens condicions climaticas d'autona forçadament mes propicis. Que prevedem en efèit de partir de BAIONA en direccion de TURIN lo dimecres 14 deceme per ua arribada possibla lo dijaus 22.

Un minimum vitau ei donc indispensable. Ne possedint pas nat vehicule amenatjat, que nos vegem obligats de hèr per ua locacion ; Tanben qu'auram d'autes frais (comunicacion, carburant, esquipaments, etc.).

Que partiram se recebem lo voste sostien. Que vederam l'utilitat de l'accion se vos, actors o simpatisants de la reabilitacion de la lenga e de la cultura d'Oc, nos balhatz un signe deu vòste encoratjament. Que vos sollicitam donc entà balhar la man ad aquera operacion. Que vos balham mes baish quauques rensenhaments suplementaris. Per avança que vos mercejam de l'interèst que porteratz a la desmarcha aquesta.

Fabrice Bernissan                           Miquèu Dantin
Pdt de Nosauts de Bigòrra - IEO 65    Secretaire de Nosauts de Bigòrra - IEO 65

Budjècte previst :

Locacion 1 000 €
Esséncia 400 €
Comunicacion 1 000 €
Ravitalhament 400 €
Esquipaments 500 €

Totau 3 300 euros

Rensenhaments pratics participants

Que vos avem besonh tà efectuar los relais.

Nosautes dus que cobriram lo parcors que persona n'aurà podut hèr dens l'etapa deu dia. Cau aver en cap que l'ivèrn lo dia que dura pòc de temps (de 8 òras a 17 òras) donc ua amplituda orari corteta.

Entà nos inscríver qu'ei simple. Hètz-nos saber la disténcia que voletz cobrir lo dia (o los dias) que causiratz.

Per exemple : "M'inscrivi per far Castelnau d'Ari - Carcassona lo dissabte 17. Farèi en velò (o a pè, a caval…)".

O : "Pòdi far 15 kilometres lo dissabte 17".

Puish preneram contact dab vos per nos méter d'acord.

Podetz participar sol o dab d'autes. Lo melhor qu'ei de vos organizar entà cobrir lo mes de kilometres possible.

Que podetz méter en plaça...

Que vos avem besonh tanben tà méter en plaça dens lo voste despartament o canton ua comunicacion. Que coneishetz los jornaus o los jornalistes, que nos podetz ajudar per organizar los relais mediatics de l'operacion /Trans-Occitana, Occitan lenga olimpica/.

Prevision etapas

Per començar disem que son previsions. Sabetz que las condicions (esportivas, umanas, climaticas, etc.) que son mestressas. Lo calendari pòt cambiar tanben per raport au vòste ritme.

Dimecres 14 de deceme 2005 : Despart BAIONA 8 òras 30 - Ortès - Pau - Somolon - Ger
Dijaus 15 : Despart GER 8 òras - Tarba - Montrejau - Sent Gaudenç - Carbona
Divès 16 : CARBONA - Autariba (o Tolosa) - Vilafranca de Lauragués - Castèlnòu d'Ari - Carcassona - Marselheta
Dissabte 17 : MARSEILHETA - Besièrs - Seta - Sant Joan de Vedàs
Dimenge 18 : SANT JOAN DE VEDÀS - Aigas Mòrtas - Arle - Malhana
Diluns 19 : MALHANA - Avinhon - Carpentràs - Nion - Remuzat
Dimars 20 : REMUZAT - Gap - Savinas
Dimecres 21 : SAVINAS - Briançon - Sestrièras (Valadas)
Dijaus 22 : SESTRIERAS - Turin

Rendetz-vos sollicitat auprès de l'organizator deus Jocs Olimpic a Turin (lo TOROC).

Dissabte : tornar a casa en carricampatge (camping-car)

Nosauts de Bigòrra
32 Plaça deu Marcadiu
65 000 TARBA
tel : 05 62 96 51 15
tel : 06 09 55 75 80
tel/fax : 05 62 93 04 65
corric : ieo65@wanadoo.fr

IEO Nacionau : 05 34 44 97 11