Anaram Au Patac, movement revolucionari de l’esquèrra occitana, n’estó pas en mesura d’enviar representant-a-s entà aqueste dusau congrès  deu Conselh de la Juventut d’Occitània. Totun, que volem portar ua participacion a d'aquera iniciativa.

La creacion d’un espaci revendicatiu comun a la joenessa occitanista que’ns sembla estar ua idea de las bonas. Las atacas a repeticion contra la lenga nosta, particularament dens l’Estat Francés, e la situacion de mort a plasèr dens la quau e tempta de ns’embarrar qu’implica ua responsa hòrta de la part deus occitan-a-s.

La joenessa qu’i deu préner part activa e balhar lo son vam. Lo Conselh de la Juventud que’n pòt estar un mejan.

Anaram Au Patac que’s desclara donc pres a participar a las discutidas e accions au demiei deu Conselh de la Juventud mes aquera participacion qu’ei condicionada peu despart de la joenessa deu Partido Popular d’Aran.

Arron consultacion deus militant-a-s, qu’estó dit de faiçon clara e unanima qu’Anaram Au Patac n’accepta pas nat ligam, ni pròche, ni luenhec, dab aqueste partit neofranquista espanhòu. Anaram Au Patac qu’apera l’ensemble deu movement occitanista a adoptar lo medish comportament.

Lo Partido Popular qu’estó creat per franquistas. Un deus sons capdaus e creators, Fraga, qu’estó ministre devath Franco. La politica de José Maria Aznar qu’ei un abracat de la filosofia deu PP : guèrra en Irac, gestion catastrofica e mespresanta per la poblacion au parat de l'esglàs deu Prestigi, atacas a contunhar suu terrenh deus drets sociaus, barraduras d’Egunkaria, d’Egin, d’Egin Irratia, illegalizacions de Batasuna, Haika, Segi, Askatasuna… en refusar atau tota resolucion politica deu conflicte au Bascoat.

Sonque per respècte e solidaritat dab los nostes amic-ga-s basco-as nafrat-das per la barradura d’Egunkaria (quotidian escriut tot en basco) qu’ei impossible qui sietgim a costat deu PP dens la medisha estructura.

Anaram Au Patac qu’estima que lo Conselh de la Juventut d’Occitània perderà tota credibilitat entà hèra movements de defensa de la lenga en Catalonha, au Bascoat o en Galícia peu hèit de la preséncia deu Partit Popular.

Lo mantien de la preséncia deu PP dens lo Conselh de la Juventut d’Occitània que seré un precedent dangerós.

Quitament si los membres de la joenessa deu PP d’Aran e’s desmarcan de la linha deu lor partit e son sincerament entà la defensa de la lenga, que demoran representants deu lor partit. Ne’us podem pas sonque conselhar de quitar lo lor partit.

A la vista d’aqueths elements presentats a la lèsta, Anaram Au Patac que demanda au Conselh de la Juventut de provocar lo despart volontari de la joenessa deu Partido Popular d’Aran o de procedir a la soa exclusion, e aquò en acòrd dab l'article 2 de la Carta deu Conselh.

Dens aqueste cas, Anaram Au Patac que participarà, a la mesura deus sons mejans, a l’accion deu Conselh de la Juventut d’Occitània.

En esperar que l’aperet noste e sia entenut e comprés, que’vs desiram ua bona escaduda tau congrès.

Anaram Au Patac, mouvement révolutionnaire de la gauche occitane, n’a pas été en mesure d’envoyer des représentant-es pour ce deuxième Congrès du Conselh de la Juventut d’Occitània. Toutefois, nous tenons à apporter une participation à cette initiative.

La création d’un espace revendicatif commun à la jeunesse occitaniste nous semble être une bonne idée. Les attaques à répétitions contre notre langue, particulièrement dans l’État Français, et la situation de mort lente dans laquelle il tente de nous enfermer implique une réponse forte de la part des occitan-nes.

La jeunesse doit y prendre une part active et insuffler son énergie. Le Conselh de la Juventut d’Occitània peut en être un moyen.

Anaram Au Patac se déclare donc prêt à participer aux discussions et actions au sein du Conselh de la Juventut mais cette participation est conditionnée par le départ de la jeunesse du Partido Popular d’Aran.

Après consultation des militant-es, il a été exprimé de façon claire et unanime qu’Anaram Au Patac n’accepte aucun lien, ni proche, ni lointain, avec ce parti néo-franquiste espagnol. Anaram Au Patac appelle l’ensemble du mouvement occitaniste à adopter cette attitude.

Le Partido Popular a été crée par des franquistes, l’un de ses leaders et fondateurs, Fraga, a été ministre sous Franco. La politique de José Maria Aznar est un condensé de la philosophie du PP : guerre en Irak, gestion catastrophique et méprisante pour la population lors de la catastrophe du Prestige, attaques incessantes sur le terrain des droits sociaux, fermetures d’Egunkaria, d’Egin, d’Egin Irratia, illégalisations de Batasuna, Haika, Segi, Askatasuna… refusant par là toute résolution politique du conflit au Pays Basque.

Ne serait-ce que par respect et solidarité avec nos ami-es basques frappé-es par la fermeture d’Egunkaria (quotidien écrit tout en langue basque), il est impossible que nous siégions au côté du PP au sein d’une même structure.

Anaram Au Patac estime que le Conselh de la Juventut d’Occitània perdra toute crédibilité pour nombres de mouvements de défense de la langue en Catalogne, Pays Basque ou Galice du fait de la présence du Partit Popular.

Le maintien de la présence du PP au sein du Conselh de la Juventut d’Occitània constituerait un dangereux précédent.

Même si les membres de la jeunesse du PP d’Aran se démarquent de la ligne de leur parti et sont sincèrement pour la défense de la langue, ils restent représentants de leur parti. Nous ne pouvons que leur conseiller de le quitter.

Au vu de ces éléments rapidement présentés, Anaram Au Patac demande au Conselh de la Juventut de provoquer le départ volontaire de la Jeunesse du Partido Popular d’Aran ou de procéder à son exclusion, et ce en accord avec l'article 2 de la Charte du Conselh.

Dans ce cas là, Anaram Au Patac participera, à la mesure de ses moyens, à l’action du Conselh de la Juventut d’Occitània.

En espérant que notre appel soit entendu et compris, nous souhaitons la réussite de votre congrès.