Quauqui remarcas sobre lo Tractat Constitucional…

1)      LA QUALITAT DAU TÈXTO

Lo sénher BADINTER beu promier, qu’es un grand jurista e constitucionalista reconoissut, tot en sonant à votar de òc, di clarament qu’es un marrit tèxto.

Lo sénher GISCARD, paire d’aqueu tèxto, di que lo tractat de Maastricht èra marrit, qu’aqueu de Niça èra pas boan, que lo noveu es pas tant marrit que lu autres doi (à-z-Ais de Provença, lo 24 d’abriu).

Aquò revèn à confessar que nos voàlon faire votar per una Euròpa que non fonciona e non foncionerà…

2)      LO FOSC ARTISTIC

Es reconoissut que dins mai d’un article si pòu legir tot e lo sieu contrari (es evident quora si parla de liberalisme). Un exemple significatiu s’atròva dins la segonda partida, article II-62 : lo segond alineà es clar, que precisa que « Nul ne peut être condamné à mort, ni exécuté » ; ma lo promier es ambigú (« Toute personne a droit à la vie »), à tau ponch que li si pòu vèire una denonciacion dau drech à l’abortiment. Aqueu promier alineà, se vertadierament si vòu parlar solament de la pena de moart, deuria èstre suprimit.

Perqué una Constitucion deu èstre un tèxto de referéncia, sensa minga ambigüitat !

3)      UN VEJAIRE OCCITANISTA

Una ulhada ai articles que pàrlon dei minoritats lengüistiqui e culturali…

a)      Article I-2 : « L’Union est fondée sur les valeurs de respect de la dignité humaine, de liberté, de démocratie, d’égalité, de l’état de droit, ainsi que de respect des droits de l’homme, y compris des droits des personnes appartenant à des minorités. Ces valeurs sont communes aux états membres dans une société caractérisée par le pluralisme, la non-discrimation, la tolérance, la justice, la solidarité et l’égalité entre les femmes et les hommes. »

De bèli declaracions d’intencion, ma en si renembrant que dins lo meme temps si vòu faire intrar la Turquia que vèn d’ajustar au sieu còde penal un article per condamnar de dètz ans de preson aqueu qu’augeria parlar de genocidi armenian…

b)      Article I-5 : « L’Union respecte l’égalité des États membres devant la Constitution ainsi que leur identité nationale, inhérente à leurs structures fondamentales politiques et constitutionnelles, y compris en ce qui concerne l’autonomie locale et régionale. »

Es clar qu’aquela Euròpa non farà avançar li cauas en matèria de regionalisme en França, estent que lo jacobinisme francés rèsta la règla en França…

c)      Article I-8 : « La devise de l’Union est “Unie dans la diversité”».

Aquí siéu totalament d’acòrdi, estent que la mieu es despí longtemps « Unitat dins la diversitat, diversitat dins l’unitat ».

d)      Article II-74 : « La liberté de créer des établissements d’enseignement dans le respect des principes démocratiques, ainsi que le droit des parents d’assurer l’éducation de leurs enfants conformément à leurs convictions religieuses, philosophiques et pédagogiques, sont respectées selon les lois nationales qui en régissent l’exercice ».

Es un article que repilha en granda partida l’article 30 de la Convencion dei Drechs dei Enfants. Ma serà aplicat en foncion dei règlas de cada país. E aquí cau saupre que França refuda de firmar l’article 30, en s’escondent darrier lo famós article 2 de la sieu Constitucion…

R.TOSCANO, 26.04.2005