La campanha en fòtos : per las carrèras La campanha en fòtos : conferéncia de premsa de AAP Biarn lo 1èr de heurèr La campanha en fòtos : serada publica de AAP Biarn lo 7 de heurèr     Dusau amassada publica d'AAP bearn tà la campanha Occitan Lenga Oficiau. 20 joen-as qu'an responut a la convida.

Comunicat de Euròpa e Pòbles Solidaris

Anaram Au Patac, movement revolucionari de l’esquèrra occitana, qu’orbeish au debut de genèr de 2007 ua campanha « Occitan lenga oficiau ». Aquera campanha qu’ei motivada per la situacion actuau de la lenga nosta. Qu’estimam que’ns cau passar ua etapa, reivindicar lo dret de víver en occitan pertot, tostemps, de har víver e espelí’s la lenga au truvèrs de la societat sancèra aus quate còrns de l’Occitània.
Los objectius de la campanha que son :

• Tornar orbir clarament la reivindicacion « Occitan Lenga Oficiau » en balhà’u la mei grana visibilitat, en plaçar-la au centre de las reivindicacions màgers deu pòple occitan.
• Participar au movement actuau de reapropriacion de la lenga e miar a apréner-la, a practicar-la, a transméter-la.
• Acautar lo movement culturau e politic occitan a reméter la reivindicacion « Occitan Lenga Oficiau » en dabant.
• Har d’aquera reivindicacion ua reivindicacion de compte har entaus movements politics francés e europencs.
• Participar a la mobilizacion entà la manifestacion entà la lenga occitana lo 17 de març de 2007 a Besièrs.

Matòs de campanha

Afica/Affiche	Afica/Affiche	Pegasolet/Autocollant	Pegasolet/Autocollant	Pegasolet/Autocollant
Pegasolet/Autocollant	Pegasolet/Autocollant		Afica/Affiche	Afica/Affiche

Liberòt Occitan Lenga Oficiau (français)

L’occitan qu’es ua lenga parlada per mei de 2 milions de personas e comprenguda per 6 milions de personas. Tanben l’occitan qu’es la lenga oficiau dens l’estat italian (valladas alpinas) e dens l’estat espanhòu (val d’Aran).

A maugrat de tot aquò, au dia de uei la lenga nosta n’ei pas briga reconeishuda dens l’estat francés. E sordeish qu’es escarnida, arrenegada, desbrombada !!! La lenga nosta que creva a tot doç. La situacion que’ns sembla grèva (a maugrat de quauques chifras encoratjants) pr’amor los 3 governements concernats que’s trufan vertaderament de la lenga nosta e que la subervita d’aquera ne depen que deus desparrèrs militants qui tots dias lutan entà la conservar.

En efèit ANARAM AU PATAC que sap hèra plan que n’ei pas dens los burèus politics que la lenga nosta serà sauvada e qu’arrefusa tota actitud de mendicaire. Mendicar n’ei pas sonque esperar brigalhas, qu’ei acceptar la posicion de dominacion deu poder e, sordeish, acceptar la nosta posicion de mestrejats. Pro de saunei, pro d’oportunisme. Los poders imperialistas qui’ns mestrejan que son pro assabentas e non coneishen pas qu’ua causa : lo rapòrt de fòrça.

Adara qu’am de parlar clar e de díser las causas com son : que volem l’occitan com lenga oficiau !! En efèit, lo combat tà l’occitan qu’ei lo noste dret. Qu’am un dret legitime d’emplegar la lenga nosta en la vita vitanta e en lo maine oficiau, la vita administrativa e politica, economica, sociau e tanben en l’ensenhament. Çò qui significa que no’ns podem pas acontentar d’ua reconeishança « oficiau » shens definir la plaça a l’existéncia de la lenga nosta tà la societat occitana.

ANARAM AU PATAC qu’es donc partisan d’aver l’occitan com lenga oficiau tà l’Occitània sancèra, en tot compréner que tà lenga nosta que significa lo dret a ua preséncia complèta tà la vita admistrativa, economica, sociau e culturau, de segur peu sistèma d’educacion de la mairau dinc a l’universitat com tà la formacion professionau e los mèdias. Que cau que sia efectiu lo dret tà tot ciutadan occitan tà l’Occitània d’emplegar la lenga soa tà tota relacion publica, lo dret de l’emplegar a tot moment de la vita e en tots los maines.

Qu’es entà tot aquò qu’ANARAM AU PATAC e participè en 2005 a la manifestacion de Carcassonna entà la lenga occitana darrèr ua bandaròla que revendicava l’Occitan com lenga oficiau. E qu’ei totjorn en aqueth sens qu’ANARAM AU PATAC qu’a decidat de miar ua grana campanha tà l’oficializacion de la lenga nosta dont la grana manifestacion tà la lenga de Besièrs (lo 17 de març de 2007) que serà un deus moments hòrts. En éfeit que cau passar a ua auta estapa, que cau revendicar lo noste dret de víver «  en Occitan » pertot, tostemps ! Aquera navèra campanha entà la lenga que va préner fòrmas desparrièras : manifestacions, afichas … entà amassar lo mei de monde en darrèr d’aquera reïvindicacion.

Mercés d'enviar los vòstes chècs a l'òrdi de ISO en precisar a l'esquia "campanha tà la lenga" :

Anaram Au Patac
Tor deu Borrèu
2, còsta de la Hont - Hedàs
64000 Pau

ENGATJATZ-VE E SOSTIENETZ-NSE ENTÀ L’OFICIALIZACION DE LA LENGA NOSTA !!!